عندي مبدأ اتكون مع الوقت بيخص حاجات كتير من ضمنها صناعة السوفتوير وهو Free-Open Source.
وفي مجال تحليل البيانات فيه شبه احتكار لأدوات زي Power BI وTableau، ولما بدأت أعمل مشاريع متعلقة بتحليل وعرض البيانات كان طبيعي ألتزم بالمبدأ وأتجه لحاجة مجانية مفتوحة المصدر واللي كانت Apache Superset.
كانت تجربة كويسة جدًا وسهلة على عكس التوقع مع تعليقات بسيطة، لكن ده أكيد مش معيار لأنه استخدام بسيط ومحدود للأداة.
وعشان نوصل لحاجة مرضية ومناسبة لاستخدامات متعددة لازم يبقى فيه مجتمع قوي حوالين الحاجة دي، وده فكرة الـ Open Source عموماً—مجتمع بيقدم اقتراحات وممكن يشارك كمان في كتابة الأداة وتعديل الكود.
هبدأ أكتب سلسلة مقالات قصيرة توضح الفرق العملي من منظور المستخدم: سهولة الإعداد، مصادر البيانات، التحكم في الـ RBAC، إمكانيات الـ Visualization، الأداء، والتكلفة.